Koronavirus ilə mübarizəni daha da gücləndirmək məqsədilə Ümumdünya Səhiyyə Təşkilatı (ÜST) İrana 16 ədəd kompüter tomoqrafiya aparatı göndərib.
Aztibb.az xəbər verir ki, bu barədə ÜST-nin Tehrandakı ofisinin rəhbəri doktor Kristof Hamelman məlumat verib.
Hamelman bildirib ki, bu aparatlarla virusa yoluxan xəstələrin ağciyərindəki prosesləri müşahidə etmək olacaq:
"Dəyəri 4 milyon dollar olan aparatlar ÜST ilə İranın Səhiyyə Nazirliyi arasında davam edən əməkdaşlıq nəticəsində Tehrana gətirilib. Koronavirusun İranda geniş yayılması və ona qarşı aparılan mübarizə təşkilat tərəfindən diqqətlə izlənilir və yardımlar göstərilir".
ÜST nümayəndəsi İranın xəstəliyə qarşı effektiv mübarizə apardığını da nəzərə çatdırıb: "ÜST virusa qarşı mübarizədə İrana yardım göstərməkdə davam edəcək".
