İnsan beynində şişin olması gözlərdə kəskin ağrıya səbəb ola bilər.

Aztibb.az “Medzdrav İnfo”ya istinadən xəbər verir ki, bu barədə terapevt və teleaparıcı Yelena Malışeva bildirib. O, göz ağrısının miqrenin əlaməti də ola biləcəyini deyib.

Eyni zamanda, kardioloq Herman Qandelmanın sözlərinə görə, şiş böyüdükdə gözə və yaxınlıqdakı sinirlərə təzyiq edir və bu da diskomfort yaradır: “Əsasən, şiş böyüyür və ya gözə təzyiq edir, ya da gözə yaxın sinirlərə təzyiq göstərir. Beləliklə, göz nahiyəsində ağrı yaranır”.

Kəskin göz ağrısının və sonradan baş ağrısının başqa bir səbəbi sinüzitdir, bu zaman gözlərin altında yerləşən maksiller və frontal sinuslarda iltihab meydana gəlir, nəticədə insan ağrı hiss edir. Gözlərdə ağrı yaranarsa, ilk növbədə bütün həkimlər bir oftalmoloqla əlaqə saxlamağı məsləhət görürlər.

Oftalmoloq Mixail Konovalovun sözlərinə görə isə kəskin ürəkbulanma ilə müşayiət olunan gözlərdə və başda ağrı da insanın kəllədaxili təzyiqi yüksək səviyyəyə qalxdıqda qlaukoma xəstəliyinin klassik simptomlarıdır. Xəstəliyin səbəbi lazerin köməyi ilə bərpa oluna bilən göz içi mayesinin axmasının pozulmasıdır. Simptom nəzərə alınmazsa, zamanla tam korluq baş verə bilər.