Alimlər dünyada ən zəhərli “əbədi kimyəvi maddələrin” harada toplandığını müəyyən ediblər
16.04.2024 14:30

Çin, ABŞ və Avropanın bəzi regionları davamlı kanserogenlərlə ən çox çirklənən yerlərdir


Yeni Cənubi Uels Universitetinin alimləri ətraf mühitin “əbədi kimyəvi maddələr” kimi tanınan per- və poliftoralkil birləşmələri (PFAS) ilə dünyanın ən çox harasında çirkləndiyini müəyyən ediblər.


Aztibb.az xəbər verir ki, tədqiqat “Nature Geoscience” (NatGeo) elmi jurnalında dərc olunub.


PFAS yapışmayan qablardan və qida qablaşdırmalarından tutmuş suya davamlı geyimlərə qədər bir çox gündəlik əşyaların istehsalında istifadə olunur. Bu birləşmələr materialları istiliyə və suya davamlı edir.


Lakin bu maddələr təbii mühitdə demək olar ki, parçalanmır. Onlar insan orqanizmində toplanaraq, yeni doğulmuş körpələrdə xərçəng və müxtəlif anadangəlmə qüsurlar da daxil olmaqla, ciddi xəstəliklərə səbəb ola bilər.


Tədqiqat qrupu dünyanın hər yerindən 45.000 su nümunəsini təhlil edib və müəyyən olunub ki, nümunələrin əhəmiyyətli bir hissəsində PFAS səviyyələri tövsiyə olunan səviyyədən yuxarıdır. Bəzi hallarda təhlükəsiz həddlər on dəfə və ya daha çox aşılıb.


Məlum olub ki, “əbədi kimyəvi maddələrin” ən yüksək konsentrasiyasına görə Çin, Avstraliya, ABŞ və Avropanın bəzi regionları liderdir.


Nəticələr göstərib ki, PFAS bütün planetdə yayılıb, lakin onların torpağı, su yollarını və içməli su mənbələrini nə dərəcədə çirkləndirdiyi hələ də dəqiq bilinmir.

Səadət Məmmədova
Müəllifin digər yazıları
ÇOX OXUNANLAR
 Şuşa Rayon Mərkəzi Xəstəxanası vakansiya elan edir   
TƏBİB Mülki müdafiə üzrə mütəxəssis vəzifəsi üzrə vakant yerlər elan edir  
Antibiotiklərdən özbaşına istifadə etməyin!
Respublika Təcili və Təxirəsalınmaz Tibbi Yardım Mərkəzinə işçi axtarılır
Azərbaycanlı həkim ABŞ-da beynəlxalq tədbirdə iştirak edib
Yeni dərman ağır qan laxtalanması xəstəliyini müalicə edir
“Həkimlərimizi tanıyaq!” rubrikası: Travmatoloq-ortoped Elvin Əsədov
TƏBİB Tibbi təhsil və innovasiyalar departamentinə işçi axtarır
 Azərbaycan əsilli ilk Nobel Sülh mükafatçısı ATU-nun qonağı olub   
 TƏBİB aparıcı məsləhətçi vəzifəsi üzrə vakansiya elan edir   
 Diaqnoz Tibb Mərkəzi tərəfindən maarifləndirici aksiyalar davam etdirilir   
Milli Hematologiya və Transfuziologiya Mərkəzində kadr dəyişikliyi olub  
Respublika Klinik Xəstəxanasının həkimləri 2 yaşından hemofiliya A xəstəliyindən əziyyət çəkən 15 yaşlı pasiyenti müalicə ediblər
Respublika Kliniki Uroloji Xəstəxanasında akademik Mirməmməd Cavadzadəyə həsr olunan konfrans keçirilib
Ürək-damar xəstəliklərinə tutulmamaq üçün nə etməli?