Diyetoloq Andrey Bobrovski hansı növ qırmızı ətin insan orqanizmi üçün ən zərərli və hansının faydalı olduğunu bildirdi.

Aztibb.az xəbər verir ki, bu barədə “Sputnik” məlumat yayıb.

Belə ki, insanlar üçün ən zərərli ət tərkibində çoxlu zərərli və doymuş yağlar olan ət hesab olunur.

"Onlar nə qədər çox olsa, ət bir o qədər pisdir, çünki onlar sivilizasiyanın bir nömrəli xəstəliyinin - aterosklerozun, ardınca insultların, infarktların və qan dövranının pozulmasının inkişafına kömək edir", - deyə diyetoloq doymuş yağların bədən üçün təhlükələri haqqında danışıb.

Mütəxəssisin sözlərinə görə, donuz əti tərkibində ən təhlükəli yağlar olan qırmızı ət növüdür.

Alimlər Qafqaz fenomeninin olduğunu da aşkar ediblər. Bu, ət yeməklə əlaqələndirilir. Xüsusilə quzu əti sağlam qida olaraq tövsiyə edilir.

Beləliklə, quzu əti ən sağlam qırmızı ət hesab olunur. Bu ət sağlam yağ turşuları təmin edir.