Almaniyada son sutkada 19900 nəfər koronavirusa yoluxub. 

Aztibb.az xəbər verir ki, son bir gündə bu ölkədə 118 nəfər virusun qurbanı olub.

İndiyədək Almaniyada 597 583 nəfər virusa yoluxub, onlardan 10 930 nəfəri dünyasını dəyişib. 

Braziliyada son sutka ərzində daha 23 976 nəfərin koronavirus infeksiyasına yoluxması, 610 nəfərin isə bu virusdan ölməsi təsdiqlənib.

İndiyədək Braziliyada koronavirusa ümumilikdə 5 590 025 nəfər yoluxub. Bu müddət ərzində 161 106 koronaviruslu xəstə dünyasını dəyişib.

Gürcüstanda ötən gün COVID-19-a 2 401 yoluxma halı qeydə alınıb, 20 nəfər ölüb.

Bununla da qonşu ölkədə koronavirusa yoluxanların sayı 49 218 nəfərə, ölənlərin sayı isə 401 nəfərə çatıb.

Koronavirusa yoluxanlardan 33 459 nəfərin sağaldığı bildirilir.

Ermənistanda son 24 saat ərzində 2 413 nəfər koronavirusa yoluxub, 24 nəfər bu infeksiyadan dünyasını dəyişib.

Beləliklə, ölkədə COVID-19-a yoluxanların sayı 99 563 nəfərə çatıb.

Ermənistanda koronavirusdan ölənlərin sayı 1 476 nəfər, xəstəlikdən sağalanların sayı isə 60 135 nəfərdir.