Rusiyalı alimlər intellekt səviyyəsinin müəyyən edilməsi üçün gözlənilməz yanaşma təklif ediblər. Onlar bu məqsədlə elektroensefaloqrafiyadan (EEQ) istifadə etmək qərarına gəliblər.

Aztibb.az “Planet Today” nəşrinə istinadən xəbər verir ki, IQ-nün (intelligence quotient) ölçülməsi üçün yeni texnikanın əsası beynin bioelektrik aktivliyinin səviyyəsinin qeyd edilməsi olub.

Yeni texnikanın mahiyyəti sadədir: alimlər beyin fəaliyyəti ilə intellektin keyfiyyəti arasında əlaqəni müəyyən ediblər. Bu kəşfin müəllifləri Cənubi Ural Dövlət Universitetinin tədqiqatçıları olub.

Ənənəvi olaraq, bu xüsusi hazırlanmış psixoloji testlərdən istifadə etməklə ölçülür. Orta IQ 100 hesab olunur.

IQ testləri biliyin və ya erudisiyanın qiymətləndirilməsi deyil. Onlar ümumi intellekt deyilənləri, yəni şifahi, analitik, məntiqi, vizual-məkan zehni hərəkətləri yerinə yetirmək qabiliyyətini əks etdirir.

Cənubi Ural mütəxəssislərinin son araşdırmasının nəticələri inandırıcı şəkildə göstərdi ki, həqiqətən də beynin bioelektrik fəaliyyəti ilə intellekt arasında əlaqə var.