Rusiya Elmlər Akademiyasının akademiki Leyla Namazova-Baranova böyükləri, xüsusilə hamilə qadınları və qocaları peyvənd olunmağa çağırıb.
Aztibb.az “Arqumentı i faktı” nəşrinə istinadən xəbər verir ki, mütəxəssislərin bildirdiyinə görə, peyvənd olunmuş vətəndaşların qripə yoluxma ehtimalı 150 dəfə azdır. Onların xəstəliyi fəsadsız keçir.
Həkimlər etiraf edirlər ki, indi peyvəndlərə inam azalıb. Bu bu məsələ ilə bağlı əhali ilə işləmək ehtiyacı var.
Yaşlı insanlar üçün qrip və pnevmokok peyvəndləri sözün əsl mənasında həyat xilas edir.
“Əgər siz müntəzəm peyvənd etsəniz, 120 yaşa qədər yaşamaq şansınız var”, – deyə akademik Leyla Namazova-Baranova bildirib.
Uzunömürlülüyün əsasları doğuşdan iki yaşa qədər olan dövrdə qoyulur. Bu dövrdə uşağı infeksiyalardan qorumaq çox vacibdir. Bunda peyvəndin böyük rolu var.