Kolumbiya Universitetinin mütəxəssisləri hamiləliyin sağlamlıq fəsadlarını aşkar ediblər. Yeni araşdırmada bunun qadın orqanizminin qocalmasını sürətləndirə biləcəyini sübut etdilər.

Aztibb.az xəbər verir ki, alimlər öz tapıntılarını “Current Biology” jurnalında dərc etdiriblər.

Təkamül nəzəriyyəsi bildirir ki, orqanizmin reproduksiyaya verdiyi enerji, bioloji qocalmanı sürətləndirən bədən hüceyrələrinin saxlanması və təmir edilməsindən qaynaqlanır. Statistika bu nəzəriyyəni dəstəkləyir. Yüksək məhsuldarlığın qadınların daha qısa ömür sürməsi və sonrakı həyatında daha pis sağlamlığa sabəb olması məlumdur.

Mütəxəssislər 20-22 yaş arası hər iki cinsdən olan 1735 gənc filippinli haqqında məlumatları təhlil ediblər. Bioloji qocalma hüceyrə qocalmasının, sağlamlıq riskinin və ölümün müxtəlif aspektlərini əks etdirən altı epigenetik saat ölçüləri ilə qiymətləndirilib. Bu parametrlərdəki dəyişikliklər 25-31 yaş aralığında müşahidə edilib.

Məlum olub ki, hamilə olduğunu bildirən qadınların bioloji yaşı hamilə olmayan qadınlara nisbətən daha yüksək olub. Bir neçə uşaq dünyaya gətirən qadınların bədəni bioloji olaraq daha az hamilə olanlara nisbətən daha yaşlı idi. Amma atalıq kişilərin bioloji yaşının dəyişməsinə səbəb olmayıb.

Beynəlxalq alimlər qrupunun başqa bir təcrübəsi göstərib ki, bir insanın uşaqlıq və gənc yetkinlik dövründə keçirdiyi stress nəticələrə təsir edir və qocalıqda Alzheimer xəstəliyinə səbəb ola bilər.