Vaşinqton Universitetinin Tibb fakültəsinin mütəxəssisləri tərəfindən təşkil edilən araşdırmanın nəticələrinə görə, yetkin insanların indiki nəsli əvvəlkilərdən daha tez qocalır. Alimlər bunun nəyi təhdid etdiyini izah ediblər.

Aztibb.az “Planet Today” nəşrinə istinadən xəbər verir ki, qocalmaq təkcə özlüyündə xoşagəlməz deyil. Bu, həm də qeyri-adi yaşlarda, 55 yaşdan kiçik insanlarda təhlükəli xəstəliklərin inkişafı üçün ciddi risklərə səbəb olur.

Vaşinqton Universitetinin mütəxəssisləri Britaniya Biobankının anonim tibbi qeydlər bazasından təxminən 149 min insan haqqında məlumatları öyrəniblər. Komanda əvvəlcə təcrübədə iştirak edənlərin hər birinin bioloji yaşını hesablamaq üçün qanda tapılan doqquz biomarkerdən istifadə edib ki, bu da çox vaxt təqvim yaşından əhəmiyyətli dərəcədə fərqlənib.

Xüsusilə, tədqiqat göstərib ki, qan biomarkerlərinə görə daha tez qocalanlarda ağciyər, mədə-bağırsaq və uşaqlıq yolu xərçənginə tutulma riski daha yüksəkdir.

Ancaq yaxşı xəbər var: mövcud üsullardan istifadə edərək bioloji qocalmanı ləngitməyə çalışsaq, bu, xərçənglə daha yaxşı mübarizə aparmağa imkan verəcək.