Ürək nahiyəsində ağrı mədə xorası ilə əlaəqli ola bilər.
Aztibb.az “Medzdrav İnfo”ya istinadən xəbər verir ki, cərrah Alexander Rudnev mədə xorasının olduqca qeyri-adi simptomlarla özünü göstərə biləcəyini deyib. Buna görə müalicəyə vaxtında başlamaq üçün onlar haqqında bilmək vacibdir.
Beləliklə, mədə xorasının ən vacib qeyri-aşkar simptomu qarın yuxarı hissəsində ağrıdır. Bu, ürəkbulanma, ağırlıq hissi və mədə yanması ilə müşayiət oluna bilər. Həm də tez-tez bu xəstəliklə, ürək problemlərini göstərən simptomlara rastlanılır.
"Xəstə səhvən ürəyinin işləməsində və ya nevroloji xarakterli problemlərin olduğuna inana bilər", - həkim qeyd edib.
Cərrah əlavə edib ki, xora ilə ürək nahiyəsinə və ya sol çiyinə yayılan ağrı görünür. Həkim xəbərdarlıq edib ki, xora düzgün müalicə olunmazsa, təhlükəli fəsadlar yarana bilər.