Yuxu olmaması səbəbindən bədən səhər yeməyindən "imtina edir"

Aztibb.az “Medzdrav İnfo”ya istinadən xəbər verir ki, həkim-endokrinoloq Zuxra Pavlova bildirdiyinə görə, səhər yeməyinin doyumlu olması sağlamlıq üçün çox vacibdir. Amma bəzən səhərlər insanların iştahı olmur. Həkim bunun baş verə biləcəyi əsas səbəbləri sadalayıb.

Səhər yeməyi sayəsində maddələr mübadiləsinin normallaşdığını və səhər böyrəküstü vəzilər tərəfindən aktiv şəkildə istehsal olunan kortizolun azaldığını xatırlamaq çox vacibdir.

"Əgər biz onları "yedirməsək", o zaman kortizol əzələlərimizi yandırmağa başlayacaq. Bundan əlavə, balanslaşdırılmış səhər yeməyi gündüz və axşam daha az yeməyə imkan verir ki, bu da avtomatik olaraq arıqlayacağınız deməkdir", - həkim qeyd edib.

Əvvəla, iştahsızlıq qeyri-sabit və ya qısa yuxu ilə əlaqələndirilir. Əgər kifayət qədər yuxu almasanız, vücudunuz yemək istəməyəcəkdir. Bu, gecələr həddindən artıq yediyiniz üçün də baş verə bilər. Axşam saat 20:00-dan sonra ağır nahar etməməlisiniz.

Səhər qəhvə içmək iştahınıza mənfi təsir göstərə bilər. Günə bir stəkan təmiz su ilə başlamaq vacibdir. Səhər yeməyindən bir saat sonra qəhvə içmək yaxşıdır.