Çinin Quanqdonq Texnologiya Universitetinin elmi qrupu müəyyən edib ki, kütləvi geyim satılan yerlərdən alınan ucuz şalvar toksiklik baxımından benzinlə işləyən avtomobildən xaric olan zəhərli qazla eynidir.
Aztibb.az xəbər verir ki, bununla bağlı, tədqiqat “Science of the Total Environment” elmi nəşrində dərc olunub.
Çinli mütəxəssislərin fikrincə, kütləvi marketlərdən alınan bir cins şalvar orta hesabla 120 dəfə geyinilir. Eyni zamanda, parça istehsalı, logistika və digər prosesləri zamanı 11 dəfə çox karbon qazı istehsalına səbəb olur.
Dəyişən moda meylləri insanları tez-tez paltar almağa və onları qısa müddətə geyinməyə vadar edir. Bu həddən artıq istehlak istehsal, logistika, istehlak və utilizasiya prosesləri daxil olmaqla, bütün geyim tədarük zəncirini sürətləndirməklə, geyim sənayesində resurs və enerji istehlakının əhəmiyyətli dərəcədə artmasına səbəb olur. Bütün bunlar geyim sənayesinin iqlim dəyişikliyinə təsirini də gücləndirir.