Həkim Qomberq əmindir ki, "superqonoreya" termini mediada qalmaqal üçün düşünülüb
Çində cinsi yolla ötürülən infeksiyaların sayının artmasına "superqonoreya" demək düzgün olmazdı, bu, patogenin yaratdığı dərmanlara qarşı immunitetlə bağlıdır.
Aztibb.az “Life” portalına istinadən xəbər verir ki, dermatoveneroloq və tibb elmləri doktoru Mixail Qomberqin sözlərinə görə, hay-küylü termin mətbuatda daha çox tiraj yaratmaq üçün düşünülüb.
"Bu ad daha çox həyəcan yaratmaq üçün xüsusi olaraq icad edilib. Əslində, bir sıra Asiyanın bölgələrində süzənək onun müalicəsində istifadə olunan əsas dərmanlara qarşı davamlı olub", - həkim müsahibəsində bildirib.
Qeyd edib ki, Çində infeksiyaların sayında artım var, lakin halların sayının artmaqda davam edəcəyini proqnozlaşdırmaq hələ tezdir. Vəziyyəti qlobal miqyasda nəzərdən keçirsək, hazırkı göstəricilər kritik görünmür, ona görə də onun başqa ölkələrə da yayılacaq epidemiyaya çevriləcəyinə inanmaq üçün heç bir əsas yoxdur.
Qonoreya (süzənək) xəstəliyi kişilərdə uretradan çoxlu miqdarda selik və irin axıdılmasına səbəb olur. Onlar sarımtıl-ağ rəngə və çürük bir qoxuya malikdirlər. Bundan əlavə, bu xəstəlikdə uretritin açıq əlamətləri var: uretrada yanma və qaşınma, xarici çıxışda qızartı və idrar zamanı ağrı əlanəti olur. Testislərdə və əlavələrdə iltihabın inkişaf riski də var.
Qadınlarda qonoreya cinsi əlaqə zamanı qarın boşluğunda ağrılı hisslər, həmçinin vaginal axıntı ilə bilinir. Həkim xəbərdarlıq edib ki, xəstəliyin irəliləmiş forması düzgün müalicə olunmadan qalmala sonsuzluğa gətirib çıxara bilər.