Endokrinoloq Yekaterina Yanq selülit və ayaqların şişməsini azalda bilən məhsulları sadalayıb.

Aztibb.az xəbər verir ki, bu barədə “Arquments and Facts” nəşri məlumat yayıb.

Mütəxəssis qeyd edib ki, bəzi məhsullar iltihab əleyhinə xüsusiyyətlərə malikdir və limfa sisteminin funksiyalarına müsbət təsir göstərir.

Beləliklə, o, çuğundur və narın damarların elastikliyini artırdığını və qan axını yaxşılaşdırdığını izah edərək diyetə əlavə etməyi məsləhət görüb. Bundan əlavə, kərəviz və qreypfrut şişkinliyi azaldır, zoğal piyi emulsiyalaşdırır, xiyar isə limfa drenajı effekti yaradır.

Bəzi ədviyyatlar da selülit üçün faydalı ola bilər. Həkim ən faydalısı kimi mixək, sarıkök, zəncəfil, sarımsaq, qara və qırmızı bibəri qeyd edərək, onların orqanizmdə iltihabı azaltmaqla yanaşı, həm də ona antioksidan təsir göstərdiyini izah edib.