Almaniyada aparılan bir araşdırma körpələrin çiçək, yeniyetmələrin isə keçi qoxusunu üzə çıxarıb.

Aztibb.az xəbər verir ki, “Communications Chemistry” akademik jurnalında dərc edilən və Erlangen-Nürnberg Friedrich Alexander Universitetində aparılan araşdırmada üç yaşdan kiçik 18 körpə ilə 18 yeniyetmənin qoxuları öyrənilib.

Təcrübədə iştirakçılardan paltarlarının qoltuqlarının altına qoyulmuş pambıq lentlərlə bir gecə keçirmələri istənilib. İştirakçılardan həmçinin təcrübədən 48 saat əvvəl ətirdən istifadəni və soğan və ya sarımsaq yeməyi dayandırmaları istənilib. Elm adamları daha sonra laboratoriyada lentlərdə olan kimyəvi birləşmələri araşdırıblar.

Yeniyetmələrdən alınan nümunələrdə tər və sidik qoxusuna bənzəyən küf qoxusu təsbit olunub. Araşdırmada bu, "keçi qoxusu kimi" olaraq təsvir edilib.

Körpələrdə "çiçəkli, ətirli və sabunlu qoxuların" daha çox önə çıxdığı bildirilib. Hər iki qrupdan olan nümunələrdə “ağac qoxusu”nun olduğu da bildirilib.

Təcrübəni aparan Diana Ouisenko bildirib ki, yeniyetmələrdə qoxular tər vəzilərinin daha çox işləməsi və yağ bezlərinin istehsal etdiyi piy ifrazının artması nəticəsində yaranır.

"Bir qoxunun hər zaman hər kəs üçün xoş və ya pis olacağını müəyyən etmək çətindir. Bu insandan insana dəyişən bir məsələdir", deyən D.Ouisenko bildirib.