Əsəbi insanlar xərçəngdən daha çox əziyyət çəkirlər.

Aztibb.az NEWS.ru portalına istinadən xəbər verir ki, onkoloq, tibb üzrə fəlsəfə doktoru Yevgeni Çeremuşkinin sözlərinə görə, stress bədxassəli şişlərin əmələ gəlməsinə səbəb ola bilər.

Onkoloq qeyd edib ki, bu, immunitetin azalması ilə bağlıdır.

Bir insan stresli vəziyyətdədirsə, zaman keçdikcə bədənin müəyyən sistemləri həddindən artıq yüklənir, yəni balanssızlıq yaranır. Beləliklə, xroniki və ya uzunmüddətli stress immunitetin azalmasına səbəb ola bilir.

Həkim əlavə edib ki, immunitet şiş böyümə potensialı olan hüceyrələrin görünüşünə qarşı əsas müdafiə sistemimizdir. Buna görə də, stressin birbaşa olmasa da, dolayı yolla xərçəngin inkişafına təsir etdiyinə inanılır. Nəticə etibarı ilə əsəbi insanlar xərçəng xəstəliyindən daha çox əziyyət çəkirlər.