Çindən gələn superqonoreyanın (antibiotiklərə davamlı) dünyada yeni pandemiyaya səbəb olub-olmaması ilə bağlı xüsusi ekspert araşdırması aparılıb.

Aztibb.az xəbər verir ki, bu barədə “Daily Mail” məlumat yayıb.

Tədqiqatçıların fikrincə, bu yaxınlarda COVID-19 pandemiyasının episentrinə çevrilmiş Çin yeni bir yoluxucu xəstəliyi, superqonoreyanı (alimlər bunu belə adlandırdılar) bütün dünyaya yaymaq iqtidarında ola bilər.

CDC (Xəstəliklərə Nəzarət və Qarşısının Alınması Mərkəzləri) hesabatında qeyd olunur ki, Çinin 13 əyalətində qonoreya diaqnozu qoyulmuş xəstələrdən götürülən bakteriya nümunələrinin 98%-ə qədəri bütün qabaqcıl antibiotikləri yan keçə bilib. Çində antibiotiklərə davamlı olan ştammın yayılma nisbəti ABŞ, Böyük Britaniya və Kanada ilə müqayisədə təxminən 40 dəfə yüksəkdir.

Elmi qənaətə görə, hazırda Seftriakson bu xəstəliyin müalicəsi üçün yeganə effektiv antibiotik olaraq qalır. Eyni zamanda alimlər qeyd edirlər ki, Çində rezistent bakteriya ştammlarının faizi ona davamlıdır. Tezliklə infeksiyalarla mübarizə üçün tamamilə yeni dərmanların hazırlanmasının tələb olunacağı vurğulanır.