Bipolyar pozğunluq tez-tez depressiya, həyəcan və aqressiya ilə xarakterizə olunur və bəzi hallarda xəstəxanaya yerləşdirmə tələb olunur.

Aztibb.az xəbər verir ki, bu barədə “RİA Novosti” məlumat yayıb.

Psixiatr Aleksey Pavliçenkonun açıqlamasına görə, adətən bipolyar pozğunluq 20-25 yaş arası bir insanda özünü göstərir.

Bu psixi xəstəliyin diaqnozu uşaq və yeniyetmələrdə davranış formalarına görə böyüklərə nisbətən daha çətindir. Uşaqlıqda ortaya çıxan narahatlıq, hiperaktivlik və impulsivlik əlamətləri diqqət çatışmazlığı hiperaktivliyi pozuqluğu kimi yanlış şərh edilə bilər.

Xəstəliyin inkişafına əsas yaradan risk faktorlarına irsiyyət, narkotik istifadəsi, digər psixi pozğunluqlar və şiddətli stress daxildir.