Yoxsulluq və evsizlik bir insanın erkən demans (üzvi beyin zədələnməsi) inkişaf riskini əhəmiyyətli dərəcədə artırır.
Aztibb.az bu barədə “The Lancet” jurnalına istinadən məlumat verib.
Məlumata görə, bu mövzu ilə bağlı Kanadada xüsusi fundamental elmi araşdırma aparılıb. Onun müəllifləri Ontario əyalətində üç qrup xəstənin tibbi məlumatlarını araşdırıblar.
Tədqiqat evsizlik yaşayan 12 863 iştirakçını, aşağı gəlirli müqayisə qrupunda 475 544 və ümumi əhalinin müqayisə qrupunda 2 273 068 iştirakçını əhatə edib.
Elmi qənaətə əsasən, evsizlər arasında neyrodegenerativ xəstəliklərin, xüsusən də demensiyanın yayılması evsizlər arasında hər 1000 kanadalıya 68,7 (6,87%), aztəminatlı qrupda hər 1000 nəfərə 62,6 (6,26%) və ümumilikdə hər 1000 nəfərə 51,0, yəni 5,10% təşkil edib. Araşdırmanın müşahidə xarakterli olduğu vurğulanıb.