Los-Ancelesdəki Kaliforniya Universitetinin amerikalı nevroloqları beyində toxluq hiss etməsinə baxmayaraq, qəlyanaltı yemək istəyinə cavabdeh olan sinir mexanizmi aşkar ediblər.

Aztibb.az xəbər berir ki, “Nature Communication” jurnalında dərc olunan yazıya görə, bunun aclıq və toxluq reaksiyaları ilə heç bir əlaqəsi yoxdur.

“Bizim tədqiq etdiyimiz sahə periaqueduktal boz sahə (PAG) adlanır və beyin sapında yerləşir və artıq təkamül nəticəsində əmələ gəlmişdir. Buna görə həm insanlarda, həm də siçanlarda bu var”, - nevroloq Avişek Adhikari izah edib.

Müəyyən PAG hüceyrələri yaxşı qidalanan siçanlarda qəsdən aktivləşdirildikdə, onlar yağlı qidalar axtarışına başlayıblar. Alimlər hesab edirlər ki, belə bir vəziyyətdə insanda gecə yarısı şirin desert və ya qəlyanaltı yemək istəyi yaranacaq.

PAG aktivasiyası o qədər güclü idi ki, gəmiricilər ləzzətlərə çatmaq üçün yüngül elektrik şokuna məhəl qoymayıblar. Bu, yaxşı bəslənən heyvanlar üçün xarakterik olmayan davranışdır. Beyindəki neyronlardan gələn siqnallar söndürüldükdə bu davranış tərsinə çevrilib.

PAG beyin dövrələri, xüsusilə qeyri-sağlam qidalara gəldikdə, nə və yemək istədiyimizi göstərən adi impulsları boğmağı bacarır. Tədqiqatçılar hesab edirlər ki, onların kəşfi insanlarda qidalanma pozğunluğunun müalicəsi üçün yeni strategiyaların hazırlanmasına kömək edə bilər.