Mavi zonalarda yaşayan yüzyaşlılar arasında çox məşhur məhsul
11.04.2024 10:12

Tofu yemək insanlarda xərçəngə tutulma riskini azaldır.


Aztibb.az “İzvestiya” nəşrinə istinadən yazır ki, Rusiya Qocalma Əleyhinə Təbabət Cəmiyyətinin prezidenti, herontoloq Svetlana Trofimova tofunu (soya südündən hazırlanan pendir) uzunömürlülük məhsulu adlandırıb.


Həkim izah edib ki, tofu mavi zonalarda yaşayan yüzyaşlılar arasında çox məşhur məhsuldur. “Mavi zonalar” 100 yaşına çatmış insanların ən çox yaşadığı yerdir. Bundan əlavə, tofu yemək xərçəngin inkişafını azaltmağa kömək edir, həmçinin qadınlarda menopozun başlanğıcını ləngidir və simptomlarını yüngülləşdirir.


“Tofu pendirinin tərkibində təbii estrogenlər deyilən maddələr var. Bu maddələr qadın cinsi hormonlarına çox oxşardır. Menopoz zamanı bu pendiri daha çox istehlak edənlər daha az simptomlardan əziyyət çəkirlər. Tofunun tərkibində başqa bir maddə var - lunasin. Eksperimental və klinik tədqiqatlarda o onkoprotektiv təsir göstərən maddə kimi müəyyən edilib. O, xərçəng hüceyrələrinin yaranmasının qarşısını alır və xərçəngə tutulma riskini azaldır”, - deyə herontoloq bildirib.

Səadət Abdullayeva
Müəllifin digər yazıları