Endokrinoloq, t.ü.f.d. Natalia Tananakina bildirib ki, diabetin simptomlarına tez-tez sidiyə getmə, susuzluq, yorğunluq, görmənin azalması və başqaları daxil ola bilər.

Aztibb.az xəbər verir ki, bu barədə “Gazeta” nəşri məlumat yayıb.

“Şəkərli diabet erkən mərhələdə asemptomatikdir və onu klinik olaraq tanımaq çətindir. Xəstəliyin qarşısını almaq üçün sağlam həyat tərzinə riayət etmək, o cümlədən düzgün qidalanma, fiziki aktivlik, çəkiyə nəzarət, ən əsası isə hər il tibbi müayinədən keçmək tövsiyə olunur”, - deyə Tananakina bildirib.

Qeyd edib ki, şəkərli diabetin yaranması irsi faktorlar, piylənmə, oturaq həyat tərzi və digər amillərlə bağlı ola bilər. Yaşlı insanlar da orqanizmin hormonal funksiyasının azalması səbəbindən risk altındadırlar”, - deyə həkim bildirib.