Endokrinoloq Natalya Tananakina bildirib ki, qanda qlükoza səviyyəsi 13 mmol/l-dən çox olması təhlükəli sayılır.

Aztibb.az xəbər verir ki, bu barədə “Gazeta” nəşri məlumat yayıb.

“Qanda qlükoza səviyyəsinin 13 mmol/l-dən yuxarı olması təhlükəli sayılır və təcili müalicə tələb edir. Prediabetli xəstələrdə zəif qlükoza nəzarəti 2-ci tip diabetin inkişafına səbəb ola bilər”, - endokrinoloq deyib.

O xatırladıb ki, ilkin mərhələdə şəkərli diabet asemptomatikdir və onu klinik olaraq tanımaq çətindir. Diabetin simptomları tez-tez sidiyə getmə, susuzluq, yorğunluq və görmənin azalması ola bilər.

“Şəkərli diabet 2-nin inkişafı diabetik nefropatiya, retinopatiya, neyropatiya və başqaları kimi ağırlaşmalara səbəb ola bilər. 2-ci tip şəkərli diabetin qarşısını almaq üçün hər 3 ildən bir qanda qlükozanın səviyyəsini yoxlamaq tövsiyə olunur”, - deyə həkim bildirib.