Qadınlarda yağlı və şəkərli qidaların pis təsirlərinə müqavimət göstərən qoruyucu mexanizm var.

Aztibb.az xəbər verir ki, bununla bağlı tədqiqatın nəticələri “Cell Reports” jurnalında dərc olunub.

ABŞ-dakı Sidars-Sinai Araşdırma İnstitutunda beynəlxalq elmi qrup dişi siçanların erkəklərə nisbətən yağlı və şəkərli qidaların qəbulu nəticəsində yaranan xəstəliklərdən beyin və ürək-damar sistemini daha yaxşı qoruyan müdafiə mexanizminə malik olduğunu aşkar edib.

Təcrübələr zamanı alimlər müəyyən ediblər ki, tərkibində yağlı və karbohidratlı qidalar olan pəhriz ilə dişi siçanların beynində iltihab prosesi başlamır və belə qidaların onların ürək-damar sisteminə dağıdıcı təsiri minimaldır. Eyni pəhriz olan erkəklərdə miyokard və beyin zədələnməsi daha tez-tez ortaya çıxıb.

Tədqiqatçılar hesab edirlər ki, həddindən artıq yemək, yüksək şəkər səviyyəsi və yağ toxumasının tərkibindəki dəyişikliklər təhlükəli çəki artımına səbəb olur.

Alimlərin fikrincə, insanlarda oxşar qoruyucu mexanizmlər var. Onlar fərz edirlər ki, qadınların hamiləlik zamanı təhlükəsiz kökəlmək üçün bu qabiliyyətə ehtiyacı var.