Qadınların bel ağrısı xərçəngin əlaməti ola bilər.

Aztibb.az “Actual News” portalına istinadən xəbər verir ki, onkoloqların bildiridiyinə görə, qadınlar çox vaxt bel ağrılarına məhəl qoymurlar. Lakin bu simptom uşaqlıq boynu xərçəngini göstərə bilər.

Bel ağrısından şikayət çox vaxt oturaq iş və həddindən artıq fiziki fəaliyyətlə əlaqələndirilir. Ancaq bəzən bu əlamət xərçəngin inkişafını göstərə bilər.

Uşaqlıq boynu xərçənginin əsas əlamətlərindən biri bel nahiyəsində, çanaq sümükləri arasında və ya qarnın aşağı hissəsində ağrıdır.

Bu xəstəlik digər simptomlarla da özünü göstərə bilər, məsələn, vaginal qanaxma, ağır menstruasiya axını, intim münasibətlər zamanı ağrı.

Həkimlərin fikrincə, təhlükəli xəstəliyi qaçırmamaq üçün mütəmadi olaraq ginekoloqun müayinəsindən keçmək vacibdir.