Amerikalı alimlər müəyyən ediblər ki, uşaq salfetləri, yuyucu vasitələr və dırnaq boyalarında olan OFR və QAC kimyəvi maddələri beyin strukturlarını zədələyir və autizm riskini artırır.

Aztibb.az xəbər verir ki, bununla bağlı tədqiqatın nəticələri “Nature Neurology” jurnalında dərc olunub.

OFR-lərin gecikdirici materiallar istehsal etmək üçün istifadə edildiyi və mebel parçalarında, laklarda, uşaq salfetlərində, xalçalarda və elektronikada mövcud olduğu qeyd edilmişdir. QAC mikrobları öldürmək üçün istifadə edilən bir kimyəvi maddədir. Onlar təmizləyici məhsullar, şampunlar, günəş kremləri və fərdi qulluq məhsulları istehsalında istifadə olunur.

Bu kimyəvi maddələrin beyin fəaliyyətinə necə təsir etdiyini öyrənmək üçün alimlər siçanlar üzərində təcrübə aparıblar. Gənc gəmiricilərdə beyin toxuması OFR və QAC-lərə məruz qaldıqda, onların oliqodendrositləri (beyində sinirləri qoruyan strukturlar) inkişafı və fəaliyyətini dayandırıb.

Əlavə bir araşdırmada tədqiqatçılar 3 yaşdan 11 yaşa qədər olan uşaqlarda sidikdə OFR və QAC səviyyələrini qiymətləndiriblər. Ümumilikdə bir neçə min nümunə təhlil edilib. ASD (autizm spektri pozğunluğu) olan uşaqların sidikdə kimyəvi OFR konsentrasiyasının əhəmiyyətli dərəcədə yüksək olduğu aşkar edilib.