Bu, davranış və təkamülün bir çox aspektlərinə işıq sala bilər.
Tokio Universitetinin yapon ornitoloqları bəzi növ quşların davranışında təəccüblü bir fenomen - simvolik jestdən istifadə aşkar ediblər.
Aztibb.az xəbər verir ki, “Current Biology” jurnalında dərc edilən araşdırmanın nəticələrinə görə, ortaq bir yuvanın girişində ortaqları ilə birlikdə olan belə quşların tez-tez qanad çırpmağa başladığı müşahidə edilib.
Bu qeyri-adi jest partnyora psixoloji təsir edərək onu yuvaya ilk girməyə sövq edir.
Quşlarda bu simvolik jest fenomeni özünəməxsusdur. İndiyə qədər quşlarda belə ünsiyyət təzahürləri müşahidə edilməmişdi. Jestlər insanların ünsiyyətində geniş yayılsa da, onların primatlardan başqa heyvanlarda istifadəsi çox az öyrənilmişdir.
Tədqiqatçılar qeyd edirlər ki, bu tapıntı heyvanlar üzərində, xüsusən də ünsiyyət və dilin təkamülü kontekstində əlavə tədqiqatlara təkan verir. “Şərq titi” kimi tanınanbu quşlarda simvolik jestin tapılması heyvanlarda ünsiyyətin mürəkkəb formalarını başa düşmək üçün yeni üfüqlər açır, onların öyrənilməsi onların davranış və təkamülünün bir çox aspektlərinə işıq sala bilər.