Epidemioloq xatırladıb ki, qarşıdan gənə aktivliyi mövsümü gəlir.

Aztibb.az “İzvestiya” nəşrinə istinadən yazır ki, ekspert Yevgeniy Artemenkonun bildirdiyinə görə, isti mövsümün başlaması ilə parklarda və meşələrdə gənələrin aktiv mövsümü başlayır və bu da təxminən apreldən sentyabr ayına qədər davam edir.

Onun sözlərinə görə, gənələrin həyatında aktiv faza günəş şüalarının yer üzünü isitməyə başladığı ilk günlərdən başlayır.

Mütəxəssis əlavə edib ki, gənə dişləməsi şikayəti ilə tibb müəssisələrinə müraciət edən insanların bir qismi kütləvi şəkildə açıq havada gəzintilərə çıxdığı may ayına təsadüf edir. Oxşar çikayətlər bir də sentyabrın ortalarında baş verir.

Adətən gənələr dörd növ infeksiya daşıya bilər. Bunlar gənə ensefaliti, gənə borreliozu (Lyme xəstəliyi), insan monositar erlixiozu və insan qranulositar anaplazmozudur.

“Borrelioz oynaqlara və sinir sisteminə təsir göstərir. Qeyd olunur ki, gənə dişləməsinin qarşısını almaq üçün düzgün geyinmək çox vacibdir: hündür ayaqqabı geyinmək, qolun manşetləri əllərə möhkəm oturmalı, boynunu hündür boyunlu sviter geyinərək və ya şərf bağlamaqla boynunu örtmək daha yaxşıdır. Başınıza papaq taxdığınızdan əmin olun”, - ekspert vurğulayıb.

Geyim açıq rəngdə olmalıdır ki, üzərində gənə asanlıqla görünsün.

Bir gənə bir insanı dişləyibsə, həkimə müraciət etmək lazımdır. İnfeksiyal ehtimalı zamanı analiz həkimlərə təqdim edilməlidir.