Alimlər yaxın onilliklərdə dünya əhalisinin sayının azalacağını proqnozlaşdırırlar.
Aztibb.az “The Daily Telegraph” qəzetinə istinadən xəbər verir ki, yeni araşdırmaya görə, 14-cü əsrdə taun pandemiyasından sonra dünya əhalisinin sayı yaxın onilliklərdə ilk dəfə sürətlə azalmağa başlayacaq.
“Bu, 1300-cü illərin ortalarında 50 milyon insanın, o cümlədən Avropa əhalisinin üçdə birinə qədərinin vəba pandemiyası zamanı ölümündən sonra planetdəki insanların sayının azalacağı ilk hadisə olacaq”, - məqalədə bildirilir.
Qlobal əhali artımını qorumaq üçün orta hesabla qadının neçə uşaq dünyaya gətirdiyini ölçən ümumi doğuş nisbəti 2,1 olmalıdır. 2021-ci ildə əmsal 2,23 idi, lakin ekspertlərin fikrincə, dünyada bu göstəricidə davamlı olaraq azalma tendensiyası müşahidə olunur. 2050 və 2100-cü illərdə ümumi doğuş nisbətinin müvafiq olaraq 1,83 və 1,59 olacağı gözlənilir.
“Bu o deməkdir ki, 2050-ci ildə 204 ölkədən 155-də doğum səviyyəsi əhalini saxlamaq üçün lazım olandan aşağı olacaq”, - material müəllifləri qeyd ediblər.
Bundan əlavə, ekspertlərin fikrincə, 2100-cü ilə qədər yalnız 26 ölkədə doğum nisbəti ölüm nisbətindən yüksək olacaq və “dünyanın əksər ölkəsində əhalinin təbii azalması müşahidə olunacaq”.