Allergiyanın qarşısını almağın ən təsirli üsulu Allergen Spesifik İmmunoterapiyadır
Allergiyanı tamamilə müalicə etmək mümkün deyil, lakin onun gedişatını idarə etmək və simptomları xüsusi immunoterapiyanın köməyi ilə aradan qaldırmaq olar.
Aztibb.az “İzvestiya” nəşrinə istinadən yazır ki, bu fikirləri Rusiya Federal Tibbi və Bioloji Agentliyinin birinci vitse-prezidenti, Rusiya Allerqoloqlar və Kliniki İmmunoloqlar Assosiasiyasının baş direktoru, tibb elmləri doktoru, professor Natalya İlina bildirib.
“Allergen Spesifik İmmunoterapiya (Allergiya Peyvəndi) tozlanma mövsümündə allergiya peyvəndi kimi səbəbkar allergenə qarşı həssaslığı azaltmağa imkan verən profilaktik üsuldur. Heç bir əlamət yoxdur və ya simptomlar minimaldır, məsələn, antihistaminiklər qəbul etməklə asanlıqla aradan qaldırıla bilər ", - deyə professor qeyd edib.
Allergen Spesifik İmmunoterapiya aşağıdakı hallarda aparılır:
- allergik rinit,
- mövsümi allergiyalar,
- rinokonyuktivit,
- atopik dermatid.
Müalicənin prinsipi allergenin kiçik dozalardan başlayaraq orqanizmə yeridilməsidir. Bunun nəticəsi olaraq orqanizmin səbəbkar allergenə qarşı həssaslığı azalır. Bununla da illər boyu allergiyadan əziyyət çəkən xəstələr allergiya əleyhinə preparatlardan daha az istifadə edirlər və ya istifadəsini tamamən dayandırırlar. Spesifik immunoterapiya 3-4 il, ideal halda 5 il müddətində aparılır.