PSA qan testi həqiqətən prostat xərçəngini aşkar etmək üçün uroloji və onkoloji praktikada geniş istifadə olunur.
Aztibb.az xəbər veri ki, onkouroloq Teymur Musayevin sözlərinə görə, bununla birlikdə, PSA testi qeyri-spesifikdir. Bunun mənası nədi? Qanda PSA səviyyəsinin yalnız prostat vəzin xərçəngi zamanı arta bilməyəcəyi deməkdir.
Bəzən PSA konsentrasiyasında müvəqqəti bir artım müşahidə oluna bilər ki, bu da kişinin prostat xərçəngi olduğunu göstərmir!!!
PSA səviyyəsi, xərçəng ehtimalı kimi, yaşla birlikdə arta bilər. 45-50 yaşdan sonra hər bir kişinin sağlamlığını nəzarətdə saxlamaq lazımdır. Periyodik müayinələr ən yaxşı həll hesab olunur.
Bəzi hallarda 80 yaşdan yuxarı kişilər üçün PSA müayinəsinə ehtiyac olmur.
Yaş və ailə tarixini nəzərə alaraq testlərə ehtiyac və onların nəticələri barədə həkiminizlə danışmalısınız.
Prostat vəzinin iltihabı və ya prostatit yüksək PSA-nın səbəbi ola bilər. Xəstəliyin simptomları arasında ağrılı və çətinləşmiş sidik ifrazı, cinsi əlaqə zamanı ağrı, qızdırma, aralıqda və düz bağırsaq nahiyəsində narahatlıq və ya sıxılma və cinsi funksiyanın pozulmasıdır.