Şəkər xəstəliyindən sağ gözündə görmə qabiliyyətini itirən və tor qişasında damar tıxanıqlığı səbəbiylə gözün arxasında qanaxma keçirən 61 yaşlı Nihal Gültəkin 13 ildən sonra müvəffəqiyyətli torlu qişa əməliyyatı ilə yenidən görməyə başlayıb.

Aztibb.az “Anadolu” agentliyinə istinadən xəbər verir ki, göz içi tətbiqləri nəticəsiz qalan Gültəkin probleminə çarə axtararaq xəstəxanadan xəstəxanaya gedib.Çanaqqalada yaşayan və 48 yaşında sağ gözündə görmə itkisi olan Nihal Gültekin itirdiyi gözünün işığını bərpa etmək üçün nəhayət müalicə almağa başlayıb.

Ətraf vilayətlərdəki xəstəxanalarda nəticə ala bilməyən və sağ gözündə görmə nisbəti yüzdə 1-in altına düşən Gültəkin məsləhətlə İstanbul Biruni Universiteti Xəstəxanası Göz Sağlamlığı və Xəstəlikləri Bölümünə gedib.

13 ildən sonra gələn işıq

Gültekin Biruni Universiteti Xəstəxanası Göz Sağlamlığı və Xəstəlikləri Mütəxəssisi Mehmet Giray Ersözün uğurlu əməliyyatı ilə 13 ildən sonra yenidən görməyə başlayıb.

Gültekinin uzun illərdir sağ gözünün görmə qabiliyyətini itirdiyini deyən həkim, buna şəkər xəstəliyi və tor qişada damar tıxanıqlığı səbəb olduğunu bildirib.

Müayinə zamanı damar tıxanıqlığı səbəbiylə gözün arxasında qanaxma təsbit etdiklərini izah edən həkim qanaxmanın uzun illər gözdə qaldığını, xəstənin əməliyyat olunmadığını, getdiyi klinikalarda göz içi iynə tətbiqlərinin fayda vermədiyini bildirib:

"Tor qişa əməliyyatı etdik. Onun da kataraktası var idi və biz də eyni əməliyyatda kataraktı çıxardıq. Pasiyentimizdə vitrektomiya və katarakta əməliyyatı etdik. Nəticədə əməliyyat zamanı göz nahiyəsinə yapışmış qanı təmizlədik. Qan gözdəki gelə tam hopmuşdu, təmizlədik. Bir də ki, pərdələr var idi. Mikrocərrahiyyə ilə retinanı dartıb çəkən pərdələri çıxardıq. Əməliyyatdan sonra pasiyentimiz yüzdə 20 görmə qabiliyyətinə çatdı ki, bu da xəstənin bütün gündəlik işlərini görməsinə kifayət edir”.

Gültəkin həkiminə və xəstəxana işçilərinə təşəkkür edib.