Ümumdünya Səhiyyə Təşkilatının (ÜST) baş direktoru Tedros Adhanom Qebreyesus dünyanın yeni epidemiyaya hazır olmadığını bildirib.
Aztibb.az xəbər verir ki, ÜST-nin baş direktoru COVID-19 epidemiyası zamanı yaşanan bir çox problemlərin hələ də davam etdiyini və yeni epidemiya təhlükəsi olduğunu deyib.
O, CNN-də qatıldığı proqramda epidemiya dövrü və onun nəticələri ilə bağlı açıqlamalar verib.
Covid-19 epidemiyasında "vaxtında və şəffaf" məlumat mübadiləsi və qlobal koordinasiya ilə bağlı problemlərin hələ də davam etdiyini bildirən baş direktor, dünyanın yeni bir epidemiyaya hazır olmadığını qeyd edib.
T.Qebreyesus, bütün ölkələri vaksinlər və dərmanlar kimi epidemiya ilə mübarizədə istifadə edilən vasitələrin və vacib məlumatların paylaşılmasını asanlaşdırmaq üçün "pandemiya sazişi" imzalamağa çağırıb: "Gördüyümüz qədər sistemimizdə boşluqlar var. . Hazır olmadığımız üçün hər şey ola bilər. Amma dərhal müdaxilə edə bilərik." Beləliklə, zərəri minimuma endirə bilərik." deyib.
