Balanslaşdırılmış pəhriz, keyfiyyətli yuxu, pis vərdişlərin olmaması və kifayət qədər fiziki fəaliyyət sizə stresin öhdəsindən səmərəli şəkildə gəlməyə və psixi sağlamlığı qorumağa kömək edəcəkdir.

Aztibb.az “Pravda” portalına istinadən xəbər verir ki, diyetoloq Anastasiya Nemtsa pəhrizinizi yaxşılaşdırmaq və stress səviyyənizi azaltmaq üçün haradan başlayacağınız barədə məlumat verirb.

Qidalanmanın stresə təsiri

Keyfiyyətli qidalanma sinir sisteminin gücləndirilməsində və bədənin ümumi sağlamlığının qorunmasında əsas rol oynayır. Qidaların tərkibində olan mikroelementlər beyində yeni neyronların əmələ gəlməsi və sinir siqnallarının düzgün işləməsini təmin etmək üçün vacibdir. Məsələn, meyvə və tərəvəzlərlə zəngin bir pəhriz stress səviyyəsini azalda və yuxu keyfiyyətini yaxşılaşdıra bilər.

Stressdən necə qaçınmaq olar

Stress səbəbiylə ac olmasanız belə yeməyə başladığınızı görürsünüzsə, bu problemin öhdəsindən gəlməyin bir neçə yolu var:

Su qəbulunu artırın, çünki susuzluq çox vaxt aclıq kimi qəbul edilə bilər. İçkiyə bir az limon suyu və ya nanə efir yağı əlavə etmək sinir sistemini rahatlamağa kömək edə bilər.

Tərəvəzlərə üstünlük verin və psixoloji qəlyanaltıları dadlı salatlarla əvəz edin.

Evdə həddindən artıq yeməyə səbəb ola biləcək şirniyyat və qəlyanaltı saxlamaqdan çəkinin.

Qidalanmanızı izləmək və həddindən artıq yeməyin qarşısını almaq üçün qida gündəliy tutun.

Sinir sistemi üçün ən yaxşı və ən pis qidalar

Dəniz məhsulları, qoz-fındıq, yumurta, tünd şokolad və yaşıl çay sinir sistemi üçün faydalı olan qida mənbəyidir. Digər tərəfdən qəhvə, spirt, fast food və şəkəri yüksək olan qidalar sinirlərə mənfi təsir göstərə bilər.

Əhəmiyyətli bir hadisədən əvvəl yemək

Əhəmiyyətli bir hadisədən əvvəl narahatlığı aradan qaldırmaq üçün yüngül pəhriz seçmək, qəhvə və spirtli içkilərdən imtina etmək, efir yağlarından istifadə etmək tövsiyə olunur.