"Buz adamı" kimi tanınan Uim Hof fiziki və ruhi sağlamlığı yaxşılaşdırdığını iddia edərək, “Wim Hof Method (WHM) adlı unikal texnikasını (soyuq + nəfəs alma) təqdim edib.
Aztibb.az “PLOS One” portalına istinadən xəbər verir ki, Uorvik Universitetinin alimləri tərəfindən bu yaxınlarda dərc edilmiş sistematik araşdırma bu metodun effektivliyinə dair əlavə sübutlar gətirib.
Araşdırmanın nəticələri iltihablı reaksiyalar sahəsində WHM-nin potensial faydalarını göstərir. Xüsusilə maraqlısı həm sağlam, həm də qeyri-sağlam iştirakçılarda iltihabı azaltmaq qabiliyyətidir ki, bu da adrenalin səviyyəsinin artması ilə əldə edilir.
Bununla belə, WHM-nin məşq performansına təsiri mübahisəli olaraq qalır. Tənəffüs parametrlərinə təsirin nəticələri də heterogen olub.
Nəticə olaraq, bu araşdırma iltihab reaksiyalarının müalicəsində qeyd edilən metodundan istifadə vədini dəstəkləyir. Gələcək tədqiqatlar iltihabi xəstəlikləri olan xəstələrdə WHM-nin faydalarını və onun məşq performansını yaxşılaşdırmaq potensialını araşdırmağa yönəldilməlidir.