Braziliyada ilin əvvəlindən bəri denge qızdırması hallarının sayı 1,68 milyona çatıb ki, bu da 2023-cü ilin göstəricisindən çoxdur.
Aztibb.az “Medzdrav.İnfo”ya istinadən xəbər verir ki, bu barədə ölkənin Səhiyyə Nazirliyi açıqlama verib.
Departamentin məlumatına görə, ölkədə ümumilikdə 1 684 781 denge xəstəliyinə yoluxma halı müəyyən edili. 14500-dən çox insana şiddətli qızdırma diaqnozu qoyulub. Ölüm səviyyəsi - 0,03% təşkil edir.
2023-cü ildə Braziliyada ümumilikdə 1.658.814 denge xəstəliyinə yoluxma halı müəyyən edilib.
Denge tropik və subtropik bölgələrdə üstünlük təşkil edən viral infeksiyadır. Onun simptomları yüksək hərarət, ürəkbulanma, səpgi, baş ağrısı və bel ağrısıdır.
Qızdırmanın hemoragik variantı qan damarlarının çökməsi nəticəsində yaranan ağır daxili qanaxma ilə müşayiət olunur. Virus Aedes aegypti növünün ağcaqanadları tərəfindən ötürülür.
