Qidalanma vərdişlərinizi və həyat tərzinizi dəyişdirsəniz, nisbətən asan yolla artıq çəkidən xilas olmaq mümkündür.
Aztibb.az “İzvestiya” qəzetinə istinadən xəbər verir ki, bu barədə endokrinoloq Zuhra Pavlova məlumat verib.
Ekspert bildirib ki, bunun üçün daha çox su qəbul etmək lazımdır, çünki insanlar onu tez-tez müxtəlif içkilərlə əvəz edirlər.
“Yeməklər arasında su içməyi öyrənməliyik. Hələ yemək vaxtı olmayanda belə, əvvəlki yeməkdən sonra su içmək vacibdir”, - deyə həkim müsahibəsində bildirib.
Daha çox su içsəniz, üç və ya daha çox saat yeməksiz tam təhlükəsiz vaxt keçirə bilərsiniz.
Həmçinin, artıq çəki ilə mübarizə aparmaq üçün şorba kimi maye yeməklər lazımdır. Çünki şorba tez yeyilə bilməz, bədənin toxluq hormonu istehsal etməyə başlaması üçün vaxt lazımdır.
Arıqlamaq üçün başqa bir faydalı vərdiş yeməyinizi yaxşıca çeynəməkdir. Bu vəziyyətdə eyni mexanizm maye yeməklərlə işləyir. Daha uzun yemək zamanı orqanizm lazımi hormonları istehsal etməyə vaxt tapır, buna görə də insan daha az yeyir.
Bundan başqa, gecə yarısından sonra yatan insan az yeməyə çalışsa belə, çox vaxt artıq çəki problemi yaşayır. Ona görə yuxu rejiminin vacibliyi diqqətdə saxlanılmalıdır.