Reabilitasiya insultdan sonra normal həyata qayıtmağa kömək edir.

Aztibb.az xəbər verir ki, “İzvestiya” qəzetinə müsahibəsində t.ü.f.d. Varlam Çoqovadze bildirib ki, insult və ya ciddi beyin travması almış bir insanın müalicəsi döyüşün yalnız yarısıdır. Onu normal gündəlik həyata qaytarmaq üçün reabilitasiya vacibdir.

O qeyd edib ki, tibbi reabilitasiya mürəkkəb, çoxmərhələli və çoxsəviyyəli prosesdir. Və hər bir xəstəyə çoxşaxəli mütəxəssislər qrupu baxmalıdır.

“Mərkəzi sinir sistemi zədələnən xəstələrdə təkcə hərəki qabiliyyətlər deyil, nitq, görmə, idrak funksiyaları da pozula bilər. Buna görə də xəstə ilə işləyən komandaya fizioterapevt, loqoped, peşə terapevti, tibbi psixoloq, neyropsixoloq və digər mütəxəssislər daxildir”, - V.Çoqovadze bildirib.

Bir qayda olaraq, əlsər ölkələrdə xəstələr icbari tibbi sığorta vasitəsilə tibbi reabilitasiyadan pulsuz keçə bilirlər.

Xəstələrin insult sonrası reabilitasiyası adətən aşağıdakılardan ibarətdir:

• insult sonrası fəsadların (ilk növbədə kontrakturaların) profilaktikası,
• itirilmiş hərəkətlərin bərpa edilməsi,
• yerişin bərpa edilməsi,
• nitqin bərpa edilməsi,
• psixoloji və sosial readaptasiya,
• məişətdə müstəqillik,
• əmək qabiliyyətinin bərpası, yəni xəstənin normal həyat tərzinə maksimal şəkildə qaytarılması.