Pis vərdişlər, stress və sosial təcrid demensiyanın inkişafına kömək edə bilər.

Aztibb.az xəbər verir ki, bu barədə psixoterapevt Xədicət Sadulayeva məlumat verib.

O, Kembric Universitetinin alimlərinin son araşdırmasına görə, demans inkişaf riskini artıra bilən bir neçə vərdişin olduğunu bildirib.

Həkim, beyin sağlamlığını qorumaq üçün onlardan qaçınmaq lazım olduğuna çağırıb.

“Ən təhlükəli vərdişlərdən biri, mütəxəssislərin fikrincə, fiziki fəaliyyətin olmamasıdır. Daimi idman qan dövranını yaxşılaşdırmağa, beyni oksigen və qida maddələri ilə təmin etməyə kömək edir ki, bu da demensiyanın qarşısını alır”, - ekspert müsahibəsində bildirib.

Mütəxəssis qida rasionuna daha çox meyvə və tərəvəz daxil etməyi məsləhət görüb.

Həkim stress, depressiya və yuxusuzluğun fəsadları barədə də xəbərdarlıq edib. O, bunun idrak qabiliyyətinin pozulmasına və yaddaş itkisinə səbəb ola biləcəyini deyib:

"Siqaret çəkmək və spirtli içki qəbul etmək kimi pis vərdişlər də beyinə mənfi təsir göstərir və demensiyanın inkişafına kömək edə bilər".

Psixoterapevt onu da qeyd edib ki, sosial təcrid və zehni fəaliyyətin olmaması da oxşar nəticələrə səbəb ola bilər.