Həkim-diyetoloqlar ramazan ayında oruc tutmağın kimlər üçün riskli olduğunu açıqlayıblar.
Aztibb.az "Premium Clinic"in məlumatına istinadən xəbər verir ki, aşağıdakı kateqoriyalara daxil olanlar əsla oruc tutmamalıdırlar:
- Hamilələr
- Uşaq əmizdirən analar
- Şəkər xəstələri
- Ürək-damar sistemi ilə bağlı xəstəliyi olanlar
- Xroniki xəstəliklərdən əziyyət çəkənlər
- Ciddi psixoloji problemləri olanlar
- Yetkinlik yaşına çatmayan uşaqlar
- Kimyəvi terapiyaya müraciət edən xərçəng xəstələri
- Təzyiq xəstələri
“Oruc tutmaq uzun müddət susuz qalmaq deməkdir. Bu isə qan dövranına mənfi təsir edir. Əgər oruc tutarkən təzyiqiniz tez-tez yüksəlir və ya aşağı enirsə, bu orucun sizin üçün riskli olduğundan xəbər verir.
Mütəxəssislər ürək xəstələrinin qış və payız aylarında oruc tuta biləcəklərini, ancaq yay aylarına düşən Ramazanda oruc tutmamalı olduqları qənaətindədir.
Bundan əlavə, 18 yaşı tamam olmamış uşaqlar və yaşlılar da oruc tutmamalıdırlar. 18 yaşı tamam olmamış uşaqların qidalanma rejimini dəyişdirməsi düzgün deyil. Özünü sağlam və güclü hiss edən qocalar oruc tuta bilərlər.
