Fəqərə arası disklər elastik olub, onurğanın hərəkətliliyinə və yüklənmələrə qarşı davamlı olmasına, zərbə və travmaların dəf edilməsinə xidmət edir.

Aztibb.az xəbər verir ki, nevroloq, regenerativ tibb uzmanı Sevinc Heydərovanın sözlərinə görə, orqanizm yaşlandıqca fəqərələr arasındakı disklər elastikliyini və zərbəni dəf edici özəlliklərini itirir və degenerativ disk xəstəliyi dediyimiz yaşlanmanın təbii bir nəticəsi olaraq ortaya çıxir.

Disklərin içində pulpoz nüvə adlandırılan yumşaq sahə, ətrafında daha sərt bir fibroz halqa, fəqərələrə baxan səthlərdə isə hər iki tərəfdə qığırdaq toxuması vardır. Xaricdəki təbəqənin anatomik tamlığının pozulması nəticəsində içəridəki yumşaq toxumanın xaricə doğru çıxması yırtıq (qrıja) adlanır.

Bel fəqərə arası disk yırtıqları vücudumuzun ağırlıq mərkəzinin iki aşağı bel fəqərələrinə (L4-L5) düşdüyünə görə ən sıx rast gəldiyimiz onurğa problemləridir. Yaş irəlilədikcə disklərin tərkibindəki maye azalır və elastikliyi azalmağa başlayır.

Kimlərdə yarana bilər?

- Ağır çəkili insanlar
- Uzun müddət oturaq və ayaq üstü işdə çalışanlar
- Ağır idman və fiziki iş
- Sürücülər
- Qəza keçirənlər