Hindistan ölkədə süni intellekt texnologiyasından daha səmərəli istifadə etmək üçün hazırlanmış yeni təşəbbüsə ayrılacaq büdcə təsdiqlənib.

Aztibb.az “Anadolu” agentliyinə istinadən xəbər verir ki, Hindistan hökuməti tərəfindən milli səviyyədə süni intellekt təşəbbüsü ilə bağlı açıqlama verilib.

Açıqlamada, süni intellekt innovasiya mərkəzinin yaradılması və süni intellektlə bağlı təşəbbüslərin dəstəklənməsini əhatə edən təşəbbüs çərçivəsində təqribən 1,2 milyard dollarlıq büdcənin təsdiq edildiyi qeyd edilib.

Təşəbbüsün Hindistanın tibb, sənaye və digər sahələrdə texnologiya suverenliyini təmin etmək məqsədi daşıdığı və ölkənin demoqrafik dividendindən faydalanmaq üçün məşğulluq imkanları yaradacağı ifadə edilib.

Qeyd edək ki, Hindistan süni intellekt tədqiqatları və patent müraciətlərində dünya liderlərindəndir.