Türkiyə Qastroenterologiya Dərnəyinin sədri professor Mehmet Cindoruk gənc yaşlarda kolon xərçəngi rastlanmasının artdığını qeyd edərək, xüsusilə işlənmiş qidalardan uzaq durmağı tövsiyə edib.

Aztibb.az “Anadolu” agentliyinə istinadən xəbər verir ki, profesor diaqnostikada skrininq testlərinin əhəmiyyəti, yoğun bağırsaq xərçənginin tezliyi və yaranma səbəbləri haqqında danışıb.

O, kolon xərçənginin dünyada ən çox görülən 3-cü xərçəng olduğunu və 40-50 yaşdan yuxarı insanlarda nəzərəçarpacaq dərəcədə artım müşahidə edən bu növün görülmə hallarının son illərdə alt yaşda olan insanlarda piylənmə səbəbiylə də artdığını bildirib.

Yoğun bağırsaq xərçəngində gecikdiyi təqdirdə böyük problemlərin olduğunu vurğulayan həkim, xəstəliyin erkən aşkarlandıqda daha asan müalicəsinin olduğunu bildirib. Belə olduqda sağ qalma 90 faizə çatır. Metastaz verdikdə bu, bu nisbət yüzdə 10-a düşür.

"Kolonoskopiyadan qorxmayın"

Erkən diaqnostikada skrininq testlərinin əhəmiyyətinə diqqət çəkən ekspert, kolonoskopiyanın vacibliyini bildirib: “Xüsusilə genetik meyli olanlarda gənc yaşlarda kolon xərçənginə tutulma halları artır. Son illərdə gənclərdə kolon xərçəngi artmaqdadır. Qidalanma və işlənmiş qidalardan istifadə etməmək çox vacibdir”.

Testləri üçün yaş həddinin 45-ə endirildiyini, ailə xəstəlik tarixçəsi varsa 25-30 yaşa endirilə biləcəyini vurğulayan professor qeyd edib ki, burada qorxulu olan kolon xərçəngi yox, gecikməkdir. Ailə həkimləri nəcisdə gizli qanın olub-olmaması üçün skrininq testi aparırlar.

"Uzun müddətli ishal və ya qəbizlik həyəcan siqnalıdır. Bunlar varsa, təcili olaraq qastroenteroloqa müraciət etmək lazımdır.Bu əlamətlərlə çox erkən diaqnoz qoymaq şansımız var.Kolonoskopiya qəti diaqnozu qoyacağımız üsuldur”, - deyə professor bildirib.