Muş Özəl Peşə və Texniki Anadolu Liseyinin şagirdi Serkan Can Toktaşın müəllimlərinin dəstəyi ilə hazırladığı "Hörümçək" adlı axtarış-xilasetmə robotu TÜBİTAK regional yarışmasında ikinci olub.
Aztibb.az “Anadolu” agentliyinə istinadən xəbər verir ki, məktəbin elektrik-elektronika fakültəsinin 11-ci sinif şagirdi olan S.Toktaş fəlakətlər zamanı dağıntılar altında qalanları xilas etmək üçün müəllimləri Bilal Gözcü və İlyas Güngörün dəstəyi ilə istiliyə və səsə həssas robot hazırlayıb.
S.Toktaş təbii fəlakətlərdə dağıntılar altında qalanlara tez çatmaq üçün robot dizayn etməyi qərar verdikdən sonar müəllimlərinin dəstəyi ilə qurduqları robotun telefon və kompüterdən idarə olunma xüsusiyyətinə malik olduğunu deyib:
"Bu robot uçqun və sürüşmə olan ərazilərdə bədən istiliyini təsbit edəcək və insanlara daha asan çatmağa imkan verəcək. Bizim Robot irəli-geri, yuxarı-aşağı, istilik və səsi təmin edən servo mühərriklərdən istifadə edir. Bunu təsbit edə bilən sensorlar var. Bu sensorlar sayəsində dağıntıda qalanlara qısa müddətdə çatmaq olar."
TÜBİTAK yarışmasında bölgə ikincisi olan robot daha da inkişaf etdiriləcək.