Diabetik ayaq müalicəsində sümük iliyindən, yağdan, periferik qandan və plasentadan alınan kök, progenitor hüceyrələrin istifadəsi hər gün daha da aktuallaşır.

Aztibb.az xəbər verir ki, nevroloq, regenerativ tibb uzmanı Sevinc Heydərovanın sözlərinə görə,kök hüceyrələr angiogenik faktorları ifraz edərək neovaskularizasiyaya kömək edir.

Bununla yanaşı bu hüceyrələr işemiya zamanı, diabetik ayaqda hüceyrə çoxalmasını və hüceyrə keçiriciliyi aktivləşdirərək epitelizasiyanı sürətləndirir. Bu yöndə təsirli metodlardan biri pasientin göbəkətrafından liposaksiya yöntəmi ilə əldə edilən 200ml yağdan ayrılan svf kök hüceyrələri (CD 34(+) ) diabetik ayaq olan pasientə tətbiq edərək yaranın sağalmasını təmin etməkdir.

Diabetik ayaq non-travmatik amputasiyaların ən vacib səbəblərindəndir, ən önəmli sosyal-ekonomik bir problemdir. Diabetik ayaq ABŞ da ölüm səbəbləri arasında 7-ci yeri tutur. Diabet xəstələrinin 15%-də diabetik ayaq əmələ gəlir və bunların 14-20% i amputasiyaya məruz qalır.

Diabetin gecikmiş ağırlaşmaları olan periferik neyropatiya, periferik damar xəstəlikləri, infeksiya və ayaq travmaları yaraların başlıca səbəbləridir.

Diabetik ayaq yaraları kimi çətin sağalan yaraların müalicəsində svf kök hüceyrə, progenitor çox effektivdir. yaxın gələcəkdə bununla bağlı daha böyük işlər görüləcəyi aşkardır.