Bristol Universitetinin mütəxəssisləri yeni araşdırmada uşaqlıqda sağlam olmayan (şirin, yağlı, yüksək kalorili) qidaların qəbulunun ciddi mənfi nəticələrini müəyyən ediblər.

Aztibb.az xəbər verir ki, “British Journal of Nutrition” jurnalında dərc olunan məqaləyə görə, ekspertlər 4700 nəfərin iştirak etdiyi həmkarlarının əvvəlki tədqiqatının nəticələrini təhlil ediblər. Bu, ötən əsrin 90-cı illərində anadan olmuş valideynlər və uşaqların uzunmüddətli tədqiqatı idi.

Daha sonra eksperimentçilər yeni tədqiqatın başlanğıcında yaşı 17 və 24-ə çatmış könüllülərin orqanizmində arterial damar divarlarının qalınlığını və sərtliyini ölçüblər.

Məlum olub ki, pəhrizində yüksək kalorili, yağlı və şəkərli qidalar üstünlük təşkil edən yeddi və on yaşlı uşaqlarda yeniyetməlik dövründə arterial sərtliyə daha çox rast gəlinir.

Damar tonunun azalması zərərsiz deyil. Bu vəziyyətdə onlar qanı daha pis pompalayır, ürəyə və digər orqanlara oksigen, qida və digər faydalı elementlərin tədarükü səviyyəsini azaldır. Bundan əlavə, zədələnmiş damarlarda iltihab inkişaf edir, bu da müxtəlif ciddi patologiyalara, o cümlədən ürəktutma və infarktlara səbəb olur.