Çin alimləri tərəfindən aparılan yeni bir araşdırma, yaşıl ərazilərdə yaşayan insanların sümük sıxlığının daha yüksək olduğunu və osteoporozun inkişaf riskinin daha az olduğunu müəyyən edib.
Aztibb.az “Planet Today” nəşrinə istinadən xəbər verir ki, Çanşadakı Mərkəzi Cənub Universitetinin mütəxəssisləri təxminən 400 min britaniyalının iştirakı ilə araşdırma aparıblar. Onlar aşkar ediblər ki, osteoporozun aşağı nisbətləri və sümük sıxlığının artması yaşıl ərazilərdə havanın az çirklənməsi ilə nəticələnə bilər. Və çirkli hava iltihabı təhrik edir.
Ağaclar və digər bitkilər təbii filtr rolunu oynayır. Alimlər öz işlərində bir indikatordan - peyk şəkillərinin tədqiqi nəticəsində əldə edilən bitki örtüyünün normallaşdırılmış fərq indeksindən (NDVI) istifadə ediblər.
Məlum olub ki, NDVI-nin hər belə artması ilə sümük mineral sıxlığının artması və osteoporoz riskinin 5% azalması müşahidə olunur.
Yaşıl ərazilərdə azot dioksidi ilə havanın çirklənməsi də aşağı səviyyədə olur. Bu birləşmə oksidləşdirici stress, iltihab və hormonal balanssızlığa səbəb olur ki, bu da osteoporoz hallarının artmasına gətirir.
Nəhayət, fiziki fəaliyyət də skeleti gücləndirir, osteoporoz riskini azaldır və yaşıl yerlərdə yaşamaq bu imkanlardan daha çoxunu təmin edir.