İlk növbədə, bütün qadınları Beynəlxalq Qadınlar Günü münasibətilə təbrik edirik! Sizə xoşbəxtlik, sevgi, sağlamlıq və yaxınlarınızdan diqqət arzu edirik!
Aztibb.az bu əlamətdar gün haqqında psixoloqların mülahizələrini diqqətinizə çatdırır.
8 Mart feminist qadınlar sayəsində təsdiqlənmiş bir bayramdır. Bunu xatırlamaq vacibdir. Bu qadınlar öz hüquqları uğrunda mübarizə aparanlardır.
Qadınların öz hüquqları, daha doğrusu kişilərlə eyni hüquqlar uğrunda mübarizə apardığı əsas tutaraq, qadınları bu gün münasibətilə təbrik etmək və həlim xasiyyətli, həssas və səmimi qalmalarını arzu etmək ən azı axmaqlıqdır. Klara Setkin yəqin ki, belə bir təbrikə heç də sevinməzdi.
Lakin bu gün kişilərin gül verməsini, xoş sözlər demələrini, ev işlərində köməklik etmələrini əksər qadın gözləyir...
Bir çox qadını ən çox təhqir edən şeyin nə olduğunu bilirsinizmi? Kişilərin qadınlara məişət əşyası hədiyyə etməsi. Və onlar təəccüblənirlər ki, arvadları niyə təzə tavadan, ağıllı ütüdən razı deyil?
