Kembric Universitetinin alimləri dəmirin aşağı səviyyədə olmasının iltihaba və anemiyanın inkişafına təsir etdiyini iddia edirlər. Bundan əlavə, xəstələrdə sağlam qırmızı qan hüceyrələrinin istehsalının tez dayanması - COVID-19 diaqnozundan sonra müşahidə edilib.

Aztibb.az xəbər verir ki, bu barədə “Rossiyskaya qazeta” məlumat yayıb.

Tədqiqat müəlliflərindən biri bildirib ki, orqanizmdə infeksiya olduqda immun sistemi ölümcül bakteriyalardan qorunmaq üçün dəmiri qandan çıxarır. Sonuncu yalnız qan dövranında dəmir tuta bilər və sürətlə inkişaf edə bilər. Ekspertin sözlərinə görə, dəmir çatışmazlığı orqanizmdə oksigenin daha az səmərəli daşınmasına gətirib çıxarır ki, bu da maddələr mübadiləsinə və enerji istehsalına təsir göstərir.

Bir il ərzində qan nümunələrini izləyən araşdırmaya görə, ağır və yüngül COVID-19 xəstələri qanlarında eyni və xarakterik nümunələr göstəriblər.

Alimlər qeyd ediblər ki, orqanizmdə dəmir və oksigen səviyyəsini bərpa etmək kifayət qədər uzun vaxt tələb edir.