Pilates, dartma və ya uzanma hərəkətləri hər yaşda olan insanlar üçün faydalı olacaq fiziki fəaliyyət növüdür.

Aztibb.az “Doctor Piter” portalına istinadən xəbər verir ki, mütəxəssislərin bildirdiyi kimi streçinq və ya pilates ən təhlükəsiz məşqlərdən biridir.

Onların heç bir əks göstərişi yoxdur, həm uşaqlar, həm də yaşlılar bu idman növü ilə məşğul ola bilərlər. Bundan əlavə, hamilə qadınlar, zədəlilər və hətta bu yaxınlarda ağır əməliyyat keçirənlər üçün dartma məşqlərinin xüsusi növü mövcuddur.

Mütəxəssislər bildiri ki, pilates və uzanma məşqlərinin çoxlu ortaq cəhətləri olsa da, onlar fərqli fənlərdir.

Streçinq bədənin bütün əzələləri üzərində işləməyi nəzərdə tutur. Pilates dərin əzələlərin işləməsinə əsaslanır.

Məşq bədənə necə təsir edir?

Bununla daha çox güc, çeviklik və tarazlıq hissi qazanacaqsınız. İlk növbədə, pilates elastikliyi, oynaqların hərəkətliliyini yaxşılaşdırmağa və bədənin bütün əsas əzələ qruplarını gücləndirməyə kömək edir. Qarın və arxa əzələlər ən yaxşı şəkildə işləyir, buna görə də koordinasiya və duruş daha yaxşı olur.

Balansın inkişafı və əzələlərin gücləndirilməsi yıxılma riskini azaltmağa kömək edəcək, bu xüsusilə qocalıqda vacibdir, çünki 60 yaşdan sonra sümük gücü azalır və sınıq riski artır.